أنا مش برىء
................
زجل
أنا مش برىء ............. أنا ظالم على مظلوم
أنا ساكت و هادي لكن فى صدري كام صرخة
وألف صوت ................................ مكتوم
وعايش فى الغنى والمال ..... في أحسن حال
وفي الحقيقة ......................... أنا محروم
عندي جناح مكسور ........ وبركان امل بيفور
وعايش في ................... الظلام وانا بابكي
لكن جوايا ............................... طاقة نور
الدنيا كلها أفراح .......... لكن يا ريتها تدوم
ووسط الفرحة ...................... تلقى دموع
وناس تحزن ...................... وناس بتجوع
ووسط الضلمة ...................... تلقى شموع
تشوف الفرحة .................... وسط وشوش
وجواها ........................... الأمل مرشوش
وناس صعبة ........................ وقلبها جامد
وتلقاها ........................علي البشر بتدوس
كلنا ظالم ............................. علي مظلوم
وناس قاعدة ...................... و ناس بتقوم
وناس مبسوطة ........................ و فرحانة
وناس عايشة ....................... ف تل هموم
وناس لسانها ....................... بيسقط عسل
وناس تحت لسانها ............... سيف مسموم
وأنا مش برىء ........ ده انا ظالم على مظلوم
رضيت بالظلم كام مره ... ودلوقتي جاي تلوم
وتقول انا مش برىء .... أنا ظالم علي مظلوم
عماد ياقوت
ليست هناك تعليقات:
إرسال تعليق