غريم السهر
للشاعر دخيل العطيوي الثقفي
*************************
أخذني الليل بين أطرافه المظلمات
يشدني نحو ذاك الود شداً متين
بأفكار متداخله واسرار لي خافيات
فيها من ايام عمري ماقواها الوتين
مابين نظرة غرابه واحتدام المبات
يمر ذاك الشريط اللي بدى لي مكين
واحلام مرت بعمري كلها مرجفات
تثني عزومي ويجرفني لشده ولين
أنا غريم السهر تعصف بي الذاريات
تحرك أغصان تكويني وهو مسكين
وأنا نديم الجفى أرقى على النايفات
أسامر الليل وأمنع عبرتي ما تبين
لعل بكره يجي فيه الأمل والثبات
وأشوف محبوبي اللي بين رمشاً وعين
وإلا فغيره نمررها ..... بكل الجهات
ماعاد نطري الخوالف بالوله والحنين
لجله سهرت الليالي ما نذوق المبات
ابحث بجهدي لجل يرضى صبيح الجبين
وان عاش راسي لوفيها جميع السمات
تقدير وشموخ مايوصل مداها الف عين
ليست هناك تعليقات:
إرسال تعليق