قصيده بعنوان (ضحكه مخصوبه)
بنضحك ضحكه مخصوبه
لأجل نداري اوجاعنا
تسمعها كل الناس
وجوانا تألمنا اوجاعنا
يا قلبي يا حذين
أصبر على مر اوجاعك
نلاقي دواك فين
والكل اتفقوا على خداعك
يا ضحكه عليّ صوتك
يا قلبي اكتم صراخك
اضحك حتى موتك
ودوس تاني على جراحك
وبقينا نضحك على طول
لأجل نخبّي اوجاعنا
اتاري الوجع جرون
خلص الضحك ولسه اوجاعنا
وبدور على ضحكه سلف
لأجل انام ليلى
جفن العين حلف
على دموعه تكويني
وبضحك لكل الناس
لأجل الوجع نداريه
اتاري الضحك احساس
بالغصب يكون أزيه
ضحك ايه بيداوينا
ويداري دموعنا عن عزلنا
نبره صوته بتكوينا
وتصحي تاني اوجاعنا
شاعر العاميه
نبض الصعيد الجواني
خليفه الابنودي
أدهم السمهودي
ليست هناك تعليقات:
إرسال تعليق