خلاص كده يادنيا
اخدتى منى الحاجه الحلوه
ودوقتينى المر فى لحظه
اغتلتى حلمي وطمستى خيالي
ومعدش فى حلم تاني
ولا خيال هاعيش عشانه
خلاص كل نور فى لحظه اختفي
وكل الشموع فى ثانيه انطفت
خلاص هارجع اعيش يومى بيومى
ومعتش هافكر فى بكره
ولاهاستنى فرحة الامل تاني
خلاص تاهت كل حاجه مني
وطلعت كل احلامى وهم
ليه ايام الربيع قصيره
ودايما الخريف بيجى بسرعه
يقتل كل حاجه خضره
ويخلى الارض زى الصحرا
ليه السعاده بقت حلم
والفرحه لما بنلاقيها بتهرب مننا
ليه بسرعه بنتحول شياطين
فى عيون اللى بنحبهم
ويخلونا نحس بالذنب
ويحولوا حياتنا بسرعه لحزن
ليه خوفنا عليهم
بيفكروه غدر
ومشاعرنا بيحسوها شر
وشوقنا واشتياقنا ولهفتنا عليهم
بيعتبروها سوء
ليه الحب الحقيقى معتش
فى قلوب بتحسه ولا بتصدقه
خلاص الحب بقى
فى نظرهم غش
وبقى عندهم مجرد مصلحه
خلاص يادنيا ارتحتى
لما اخدتى منى الحاجه الحلوه
كتر خيرك يادينا....!!
نجوى محمد
ليست هناك تعليقات:
إرسال تعليق