جحود النفس
للشاعر دخيل العطيوي الثقفي
***************
عما عيوني يوم أشوف الزين ينكر زينه
مدري جحود النفس والا هي بعد مغروره
أستغفر الله كيف يجحد دام أصله طينه
ماكنها تقرا إنْ كل الخلق باحسن صوره
ياشين طبع الكبر في بعض البشر ياشينه
يصبح بيد إبليس مطوي طية الباكوره
وجهة نظر والا الخبر يقلون عند جهينه
أما إنكتب وإلا وضع في خانة المحظوره
والناس ماترحم وهي في عندها مجنونه
منظر ثلاثي يبهت الناظر عديم الصوره
ياكبرها لوهي بدت تطريك حين وحينه
الود فيها يكسر الهمات وقت حظوره
فيها شتات الفكر والدنيا تشد يدينه
ياهول ذاك الندب حن تضحك وهي مجبوره
بين الخيال وواقع الأيام زين وشينه
تطيب للعاقل وغيره مثل لعب الكوره
لا عاد تطري من تباعد لا تقل لي وينه
خله على درب الموادع دام هذا شوره
الزين ما تفرقه لفح القيض لوهي دونه
والشين حاله مثل دوراً من زمن مهجوره
إن ما بدا وجهك على العليا تفج مزونه
وإلا بنينا فوق بيت النمل لك مقصوره
ليست هناك تعليقات:
إرسال تعليق