الحق شق النفق
.......................
الحق شق النفق
هزم بلاد الظلم
اللي عليها اتفق
باعوا تراب الحلم
ما فرقش ليهم عرض
ولا نحيب الأرض
والفجر شايل فرض
فرض الجهاد يا قوم
أنا بن وطني هعيش
والظلم ما يحوشنيش
عن أمي ولا ناسها
هفضل أقول واقول
حتما هنلقى وصول
لازم نقيم راسها
الظلم متخبي
في الضفه يا جدي
بسلاحه عامل غول
وانا بمعلقتي
رديت بيها هبتي
وهزمته وانا مغلول
ورفعت أحلامي
بإيديا قدامي
والقلب طير مجروح
وف لحظه ألهمني
رب العباد هبني
قوه ما فيها جروح
يا وطني إحميني
ما تجسي شراييني
بتقولك انت الروح
بقلمي
اسماء محمد عبد الكريم
مصر
13/9/2021
ليست هناك تعليقات:
إرسال تعليق