.....الزمان غلاب......
كواني لجفا من ذاك شين النية
من ضرو انكويت واصبحت سقيم
كنت حاسبو حبيب مولا حنية
خيب ضني بجفاه ذاك الذميم
لسقام تبان في الوجه بادية
الغبزة والهون و كسر لعزايم
ضري يا صاح الطغى والكية
سقيتو من صاحي صبح لئيم
كي تسمعو تقول عالم بالخفية
عندو ميزان المنطق وزين لكلام
وهو للغدر صنايعي كي مول الطقية
لا نية لا احسان لا سلام
الضر منو يجيك صباح وعشية
لا يشدو ود ولا رفيع مقام
سال سيف لعدى داير قضية
يهد كل من كان صافي مقدام
لا يحسب ليك ولا يدير مزية
غير النفس و الهوى يا كرام
اصغاو وديروا لزمان عقلية
تعفيكم من لغدر والسقام
الحميم ضمو وسقيه بنية
لا طحت يكون ليك خدام
والذميم هجرو وسقيه البلية
خليه وحدو لا ديرلو مقام
ينكسر ويقيسوا اللوم والسية
يشرب ويذوق الذل والسام
فضيل عبدالناصر دردور الجزائر
ليست هناك تعليقات:
إرسال تعليق